رسالة خريج جامعي جزائري تجاوز سن 35

مدونة توظيف وعمل في يوم 31‏/01‏/2012 32 التعليقات
 رسالة خريج جامعي جزائري تجاوز سن 35 اراد نشرها على موقع توظيف وعمل
نص الرسالة المرسلة عن طريق البريد الاكتروني:

        السلام عليكم و شكرا لكل المعلومات لكن نرجوا من سيادتكم ان تنشروا اراء القراء للراي العام في خصوص المتخرجين العاطلين عن العمل و الذين استفادو من الادماج المهني و عقود ما قبل التشغيل و الذين اتمّوا سن ال35 سنة ولم يستفيدو بادماجهم لما ظهر قانون الادماج العكس الذين تم ادماجهم هم الخرجين الجدد في جميع القطاعات ما مصير الاشخاص الذين استفادو فقد بالعقد لمدة 2سنتين فقط و بعدها ظهر التعديل في الاجور نحن استفدنا لكن الاجر كان وقتها 1200 دج فقط ولم نستحق الادماج المهني رجاءا اوصلوا معانات الخرجين القدامى و الذين ما يزالون عاطلين عن العمل اعطو لنا حقنا في اخذ مناصب لنا نحن من يجب ان ينظر لهم في قانون الدماج وصل السن الى 36 و37 اين مصيرنا عل ننتظر المسابقات و انتم تعلمون ان المسابقات اصبحت بالوسائط ام ننتظر ادماج مهني ونحن مهمشون من الادماج لان السن مراعى هنا اعطو لنا حل قانون الادماج للسنة الفارطة كان ظالم لحقوقنا نعم هو حل لكن على حسابنا نحن نحن المتخرجين القدامى ولم تعطى لنا فرصة لنكون من ظمن المدمجين مهنيا خاصة في اطار التعليم الذين تحصلو على مناصب شاغرة دمجوا بلا مسابقة ونحن تحصلنا على مناصب مرضية او عطلة امومة الرجاء اوصلوا معاناتنا نحن جميعا للراى العام و اعانك الله .
شكرا 
رسالة من nasi zouine

32 التعليقات:

غير معرف يقول...

يا خو إنظم لنقابة عقود ماقبل التشغيل تاع الدار البيضاء

غير معرف يقول...

والله غير عندك الحق
انا من كثر الي قعت في الدار نسيت بلي قريت
وفقدت الامل خلاص في هذه البلاد
الزمن اصبح لا يعترف بالشهادة اطلاقا

غير معرف يقول...

كاين 2 حوايج نت سي سور عندك متخرج جديد وعمرك 36 في هدي رانا كامل كيفكيف والحاجة الثانية نت دبلومي قديم ونقولك مكاش منها ماكش خدام هدا هو

غير معرف يقول...

السلام عليكم
نعم يكفينا تهميش
انا في 31 و في عقود التشغيل و الى اين يمكنني ان اصل بهذا فالعمر يجري و كرامتي اهينت و انا اتخبط بين مدراء عديمي الضمير يعطوننا اعمالا كثيرا و يستغلون حاجتي للعمل لا اريد الا منصبا مستقرا اعرف فيه الخطوط العريضة لواجبي فهكذا انا اعمل كل شيئ .و لا يمكنني ان احتج و في المقابل معي اناس يتقاضون الاجر دون دون ادنى تعب بل لا ياتون ابدا.

غير معرف يقول...

معاك حق و لازم يديرو حل
19 02 2012 نتلاقوا في الجزائر العاصمةان شاء الله ونديرو كيما دارو الاساتذة و الشنابطة و جابوا حقهم كرهنا الحقرة و التهميش الي اين و متى المعناة في جزائر العزة والكرامة

غير معرف يقول...

هل صحيح يوجد اعتصام يوم 19 02 2012 قولولي برك راني محرحر

غير معرف يقول...

السلام عليكم انا اعني نفس المشكل ا\تخرجت سنة 1998ولم اعمل واستفدت من عقد ماقبل التشغيل عند الخواص لمدة سنة وبعدها لم يجدد لي العقد وبعدها ان بطالة كل امتحان اقوم به الا وكان مصيري عدم النجاح وان الان ابلغ 36سنة ولا يحق لي حتى ان استفيد من النشاط المهني قالوا لي ان سنك لا يسمح لك فماهو الحل .......من 1998 والعقد انتهى العام الماضي .....اين الحل والراتب كان 12000اين الحل ...............

غير معرف يقول...

أنا تخرجت عام 2005 كان في عمري 21 سنة زعما كنت فرحانة كي تخرجت بكري و لدرك راني بلا خدمة خدمت عامين في إطار الإدماج و مومباعد رماونا كلي مادرنا والو كانت الخدمة كامل على ظهورنا يخليوك تندم على الخدمة لي تخدمها من قلبك ودرك راني نخدم بشهرية تاع900000 الحمد لله على كل حال بصح الناس تتقرادا و أنا تديقراديت حسبنا الله و نعم الوكيل

غير معرف يقول...

أنا واش أنقول؟ مهندس الكترونيك 39 سنة خريج سنة 1997 لم يسبق لي لا العمل في اطار التشغيل و لا غيرو، مسجل لدى وكالة التشغيل منذ 2007 بلا جدوى، دوما ناجح في المسابقات عن طريق الاختبار لكن دائما احتياطي. واش نديروا؟ هذا مصير الي عندو جنسية جزائرية و ما يرضاش بالحرام.ان الله مع الصابرين.

غير معرف يقول...

كان البرامكة من الحكام وذو مناصب عالية في الدولة وذات يوم سجن احدهم هو وابنه من عز الى ذل فقال الابن لابيه يا ابتاه اترى كيف كنا وكيف اصبحنا قال الاب يابني ربما كانت دعوة مظلوم غفلنا عنها ولم يغفل عليها الخالق الجبار.فذرهم يخوضو ويلعبو حتى يلاقو ربهم.ان الله ينصر الدولة الكافرة العادلة على الدولة المسلمة الظالمة

غير معرف يقول...

حسبنا الله ونعم الوكيل في كل حاكم ظالم غير عادل ويحكم بغير حكم الله حسبنا الله ونعم الوكيل واعلمو علم اليقين ايها الحكام انه لا حول ولا قوة الا بالله العلي العظيم توبو الى الله قبل فوات الاوان وسيرو على درب اسيادكم رسول الله وصحابته فشسجع نعلهم لا نتساوى معه واعتبرو من قارون وهمان وفرعون وفي الاخير الله يهدينا ويهديكم الى ما يحبه ويرضاه

مهندس الكترونيك يقول...

السلام عليكم
والله أنا الأن سأبداء في امضاء عقد أدماج باش أنشد يدي,كلا ني ال CHEMAGE مللي خرجت من الخدمة الوطنية او انا عاطل والحمد الله ربي فرج عليي ,D'AUTRE COTE خير من ماكاش.
استعينوا بالصبر و الصلاة.

غير معرف يقول...

صحاب الرشوة هوما لي خلاو الشباب يقنطو حسبنا الله ونعم الوكيل فيهم واحد يطيح وينوض وما يسوى والو وواحد قاعد كما الملك كلش يجي لعنده

غير معرف يقول...

فيما يص مسابقات التوظيف عندك الحق يا اي الحالة تمشي غير بالمعارف وباش توالمهم مليح نحاو الكتابي و خلاو الشفهي نوكلو ربي هو اللي يجيبلنا حقنا

هناء يقول...

السلام عليكم ورحمة الله تعالى وبركاته
أنا أعاني من نفس المشكل الحقرة و التهميش/ مهندس دولة في الفلاحة خرجي دفعة2000 إستفت من عقدماقبل التشغيل لمدة ثلاث سنوات وبعده بعقد الإدماج لمدة سنة قابلة للتجديد في نفس مؤسسة فلاحية إقتصاديةولكن في أخر المطاف أصبحت مابين مديرية تشغيل ومسائل العمل... مديرية التشغيل أتقول بأنك سنك فوق 35 وهذا لا يسمح به القانون ومادمت إشتغلت أربع سنوات واجب على الؤسسة توظيفك ومدير العمل يقول ماعندي ماندلك حتى ولو إشتغلت 100سنة عندنا...حسبنا الله ونعم الوكيل ماعلينا إلا الصبر والدعاء.

غير معرف يقول...

نتلاقاو في 19 فيفري هذا هو الحل

غير معرف يقول...

معاكم مستغانمي ....الصح ينقال فيقوا لعمركم اني كرهت كرهت كرهت...بزاف 2007 و انا نعاني حتى 2011 ديت كونترا تاع مليون و مييتين ...12000 يرحم بوك هادي حالة...بزاف راني وصلت اكرهت....اسمعوا مليح حكايتي
على جال خوتي و دارنا و كي تخرجت من ال.....جامعة روحت حكيت عام ونص نتاع لارمي و كي كملت و ما لقيتش خدمة هنا روحت نخدم في تونس نبيع و نشري البورتابلات وكي تخلطت في تونس دخلت ليبيا عند المرحوم القدافي ..زادت تخلطت في ليبيا والله وليت بالكشايف للبلاد الله غالب وين نروح تتخلط .........الزهر و الميمون يا خويا راني حاب نعيش هنا و هنا يموت قاسي...كرهت نهار19 02 2012 نكونوا يد وحدة و نوصلوا الميساج نتاعنا بطريقة سلمية وحسبيا الله ونعم الوكيل من اصحاب الكروش الكبيرة و السمينة والسلام........مستغانم تبغي ولا تكره

غير معرف يقول...

le 19 02 2012 ok nchallah
.....................mostaganemmmmmmmmmm

بطال منذ 1999 يقول...

اخواني هذا النضام كفر بنا كشباب ومزال يامن غير بجيل الثورة (ربي يرحم المخلصين الشهداء لي اعطاوهم مشعل الحرية )اصبحو يكرمو كل من يسيرجلهم الصباط ويحاربو كل من يغيير على هدا الوطن
والدليل هو مهوش بعيد "عبد الحميد مهري رحمه الله"

غير معرف يقول...

والله يا اخي هادي بلادي ميكي انا تخرجت سنة 2000 وانا الان اعمل بعقد الشبكة الاجتماعية فقط

غير معرف يقول...

اخواني لاحولا ولاقوة الابالله نحن المهندسون كذالك نعاني نفس المشكلة وخاصة مهندسي الفلاحة مهمشون كلية بالاضافة الى المهندسون المعماريون والمدنيون والمكنيكون ,,,,الخ لقد تجاوزنا الثلاثينات وغلقت علينا الابواب كلها ولم نجد امامنا الا عقود ادماج عفوا عقود الاستغلال والمهانة والازلال درسنا لسنوات عديدة وادينا الخدمة الوطنية لكي نرمى الي الشارع في حين يتم رفع الاجور للعمال وتقديم العلاوات والمنح بسخاء والنهب والاختلاس ونحن الله اكبر علينا

غير معرف يقول...

السلام عليكم...والله يا اخوتي لقد لمستم الجرح عليناان ننشا جمعية او على الاقل مجموعة على الفايسبوك لنتناقش في هذا الامر وعلى الارجح انكم يا اخوتي ان عزة النفس وحب الوطن وازدراء الفساد والرشوة والمحاباة عامل مشترك بيننا والله الموفق....

غير معرف يقول...

من ادرار نونادي ونقول بان لاتنتظرون ان نسمع لكم يوم الانتخاب لانكم توريدون انتقولوا للعالم بان الجزائر بخير كيف هي بخير والمسؤولين فيها يتمادون في ازلال ابنائها في عقود الرخس والبطالة ولايسمع لهم احد (مهندس ادى الخدمة الوطنية والان يعمل في عقود الرخس التي وضعتها حكومة اويحيا اوليموت)

غير معرف يقول...

يا خويا واش نقوليكم انا راني عايش علامة راني عايش غير في الرخا بطال في ستة سنوات وليسانسي بصح هاذ بلاد لي ما قراوش ولي حسبين رواحهم حروا الدزاير غير وحدهم وزيد الرشوة والنواب تاع اخر الزمان راني في واحد البلاد غيلر هما لي يحكموا ويدخلوا لي يحبوا هما بصح كاين الموت وكاين حساب وعقاب عند رب العالمين ما تخموش الرزاق هو الله عز وجل غير ما تياسوش برك وزيرو ما دومليهمش فرعون وما عطلش مع ربي وهاذو يعطلوا والله غير نهارهم كحل

غير معرف يقول...

السلام عليكم والله انا تاني خدمت ثلاثة سنوات في عقود الاستغلال واستغللت احسن الاستغلال نصفق لكل من استغلني بصح نطلب من الله عز وجل ان لا يذهب تعبي هبائا وادعو الله جلت قدرته ان يرفع عني وعن اخواني هذا الكرب خاصة الشباب الذي يريد الزواج والاستقرار ولا يجد اللهم فرج كربنا انت ولينا وانت مولانا آمـــين يارب العلامين

غير معرف يقول...

عاجزة عن التعليق، ربي يجازي اللي كان السبب... أنا ثاني لحقت 35 سنة و مازلت نطايش عند les privés بأجر قاعدي مع مسؤولياتي تجاه عائلتي... نوكلو عليهم ربي...

غير معرف يقول...

معناتك معاناتي انا ايضا عانيت من ويلات الارهاب بتهديداتهمللممتمدرسين لكنني صمدت وواصلت الدراسة لا زلت اتدكر صوت الرصاص من اعالي الشريعة ونحن في المدرج واليوم تخرجت طبيبة وسني تجاوز 35 سنة فهل يعقل بعد كل تلك المجازفةوالتعب و الاموال التي صرفتها على الدراسة لا يحقلي منصب شغل كرهت من هده البلاد و كانهم يتعمدون تحطيم حياتنا

غير معرف يقول...

السلام عليكم
كلنا نعاني من هذه العقود الا متى والى اين نحن ماضون هل هذه جزائرنا والله حشاها لكن نطالب بحق ولايمكن لاي مسؤول الهروب عنه فهذا حقنا لا اكثر نريد ان نساهم في بناء الجزائرفاتركونا نعمل واعطونا كامل حقوقنا فنحن ابناء هذا الوطن وبعدها حاسبونا حسبي الله ونعم الوكيل.......السلام عليكم

غير معرف يقول...

السلام عليكم يا اخوة ...لي فات عمره 35 جنسيته تتغير يصبح غير جزائري .....و لا يحق له في العيش و العمل خلاص وصل سن التقاعد ...الشبابي....اسال الله ان يفرج عنا

غير معرف يقول...

السلام عليكم أما بعدإصبروا إن الله مع الصابرين سيرزقن الله من حيث لا نحتسب وأكثروا من إستغفار و أدعوا ب (حسبنا الله سيأتين الله من فضله إن إلى الله راغبون ) لا عيش إلاعيش الآخرة لا تقنطو من روح الله ستفرج إنشاء الله

غير معرف يقول...

الله يعطيك ما تتمنى أنا عندي نفس الضروف وـكتر منك راه السن تاعي 40 ولدي شهادة وعندي إعاقة حركية 100%بصح شكون يفهم حسبنا الله ونعم الوكيل

غير معرف يقول...

السلام عليكم،كاين كلمة تنقال لكامل الأمة العربية أجمعين حسنا ونعم الوكيل أنا عندي نفس الإشكال ولكن عندي شهادتين جامعيتين ولدي إعاقة حركية

إرسال تعليق

إضافة تعليق