توظيف أكثر من 12 ألف أستاذ قبل شهر رمضان

مدونة توظيف وعمل في يوم 23‏/05‏/2013 36 التعليقات

image توظيف أكثر من 12 ألف أستاذ قبل شهر رمضان
     يوظف قطاع التربية الوطنية قبل حلول شهر رمضان المقبل   12 ألف و500 أستاذ، من خلال الإعلان عن فتح مسابقة وطنية بعنوان السنة المالية 2013، حيث أعلن وزير التربية الوطنية بابا أحمد خلال زيارة الوزير الأول، عبد المالك سلال إلى ولاية باتنة، أن قطاعه سيشرع في فتح مسابقة توظيف بداية من جوان الداخل، على أن يتم الشروع في التسجيل على قوائم التأهيل خلال الشهر الجاري
يأتي هذا في الوقت الذي انتهت مديرية المستخدمين بوزارة التربية الوطنية من إعداد مشاريع قرارات وزارية تتضمن عدد الاختبارات والبرامج المتعلقة بها، مع تحديد المؤسسات المؤهلة لإجراء هذه الامتحانات، وبالمقابل فإن كل الامتحانات ستكون هذه السنة كتابية، بعد أن تقرر إلغاء المسابقة على أساس الشهادة. ومن المرتقب أن تصادق وزارة التربية الوطنية على هذه القرارات، وبعدها يتم الشروع في تنظيم المسابقات والامتحانات المهنية التي ستجرى في شهر جوان المقبل، بعد تحديد الاحتياجات.
توظيف أكثر من 12 ألف أستاذ قبل شهر رمضان

36 التعليقات:

غير معرف يقول...

الحمدلله.... كتابية احسن لما فيها من اجابيات

غير معرف يقول...

lah yastarkom 3tona namadidj ta3 el imtihanet

غير معرف يقول...

هل اامتحصلين على شهادات التقني سامب من ضمن المترشحين جاوبوني راني عييت وااله

غير معرف يقول...

متى يكون ذلك وهل للاقدمية مجال

غير معرف يقول...

ما هي نوعية الإمتحانات و في أي المواد

غير معرف يقول...

les spécialité demandée ............ingénieurs en informatique

غير معرف يقول...

امتحان كتابي ياخي بلاد هاذا وين تزيد تتخلط و دير المعريفة كراعها و لي يدي 19 و مايربحش يجيبو ورقة تاع واحد عنده المعريفة و يعطوه 20 ارواح انتا و ريكلامي

غير معرف يقول...

نماذج الامتحان
كاين ثلاثة امتحانات واحد في التخصص و واحد في الثقافة العامة و واحد في الفرنسية

مهندسة معمارية يقول...

ارجو الافادة هل المهندسين المعملريين معنيين او لا ارجو الافادة

غير معرف يقول...

يا جماعة فهموا رواحكم من جهة ناشرين مقال يقول الامتحانات قبل رمضان من جهة اخرى تقولوا الملفات تتحط في شهر جويلية على حساب علمي رمضان في جويلية ضرك انا مفهمت والوا بربي لفهم يفهمني

غير معرف يقول...

ki trouh lalmodiriya y kolo lak manchadoch cdwasa mazal mazal omba3ad nasam3o bali ahom daro lil concour kolchi balma3rifa lah anchakiw rwahtina taz 3la bladi

غير معرف يقول...

يا جماعة راهم يديرو هكذا باه يكالميوكم

غير معرف يقول...

شكرا لكم

غير معرف يقول...

يا جماعة راهم يخرطو

احمد يقول...

لمادا الاختبارات على اساس الشهادة .........؟ ولمادا الاختبار الكتابي.......؟ ياخاوتي نرمالمو .. راه كاين سلم اخر من اجل التوظيف الي هو :
1 - على اساس السن
2- على اساس التخصص
3 - على اساس الاقدمية
3- على الاساس الزواج
4- على اساس بطاقة الاعفاء من الخدمة والوطنية
5- ونمبعد نتبعو التنقيط المعمول بيه
وهكدا اليا اي على شكل برنامج اتوظف كل انسان حسب هدا الترتيب وفكونا من كل هدي المسابقات والاكاديب ....الخ

غير معرف يقول...

12000 استاذة..........مايش استاذ

بن كشيدة يقول...

12الف منصب مقابل 500الف مترشح حلل وناقش

غير معرف يقول...

yaw makach menha yhoto les dossiers fi juin normalement fi juillet wel concour en juillet wela auot

غير معرف يقول...

جامي دخلت لهادو المساباقات رغم اني متخرجة من عشر سنين و راني نخدم في عقود ما قبل التشغيل الى يومنا هدا

غير معرف يقول...

كاش ما كان خدمة للمهندسين المعماريين

غير معرف يقول...

انا متحصل على شهادة تقني سام في الإعلام الآلي للتسير دورة جوان 2007 أديت الخدمة الوطنية مارس2010 دخلت إدماج مهني لمدة سنتين شاركت في عدة مسابقات وقد تجحت في إحداها عن طريق الإختبار منذ شهرين والحمد لله لا لليأس جزائرنا مزلها بخير

غير معرف يقول...

السلام عليكم
واش نقلوا ربي يجيب الخير هذا مكان

غير معرف يقول...

مليح اكيد الإمنحان الكتابي
راح يمد فرصة للشباب باه ينجح احسن من المسابقة على اساس الشهادة راح ينجحو سوى البنات لان عندهم معدلات احسن في الشهادات تاعهم
ربي يسهل على كل واحد إن شاء الله جاء الخير مع الوزير سلال
المسابفة على اساس الإمتحان احسن
لي نجح نجح ربي يوفق الجميع

غير معرف يقول...

السلام عليكم
يا حاوتي علاااه عندكم عقدة بلي راه يخدم في البنات
هلاه انا مخدمنيش
كلش راه معريفة ماجات لا على بنات لا والو

غير معرف يقول...

راهم غير يهفو فينا و يلهو فينا خاطر سابونا جايحين و ما نهدروش على حقنا كجزائريين و حقنا كيما نفوطو عليهم نهار الانتخابات حقنا تاني في الشغل بسف عليهم







غير معرف يقول...

يا رب التوفيق و النجاح ، و ان شاء الله هاد العام يربحو كيما ربحنا العام لي فات..يا رب..

غير معرف يقول...

سلام
وين هم مناصب توظيف أساتدةالثانوي لخرجي ماستر هندسة الطرائق
من الدي يدرس شعبة هندسة الطرائق ان كان ليس لنا نصيب كأساتدة لهم ولا أصحاب المعريفة يدخلوا حتى في غير تخصصهم .

غير معرف يقول...

علاش الي داوها على اساس الشهادة منذ سنة خير من البطالين غيرهم ولا الحكاية معرفا ومحسوبية ولا زهر ولا داروها باش يقّعدوا حبابهم في المناصب. بلادنا تاع قوانين تخاط حسب المطلوب... تسالون كيف ساقول لكم كيف؟
اذا عندهم ولادهم وحبابهم حابين يورثوهم المناصب والله ما يجوزوهم على الامتحان. يايما وليدي مسكين يقرا وويوجد لامتحان تاع خدمة راكم تتمسخروا كيفاش وباباه حضرات (هنا كلمة حضرات تقاس حتى على اللمير... والحديث قياس واللي فهم يفهم خاوتو) هذه هي سياسة الجزائر او بالاحرى سياسة القومي والحركي والللي راه ياكل اللحم وخوه ميت من جوعه, والله تعبت من استهزاء المسؤولين (اللي راهم في اعلى هرم السلطة ) بالشباب.

اقول واعيد مناصب العمل تمنح على اساس الشهادة ولانّ المتحصل على الشهادة راح قرا ولا ماكاش ثقة في ما تقدمه وزارتي التربية والتعليم مع وزارة التعليم العالي ولا حنا قرينا مور الحيط تاع المدرسة ولا في كافيات الجامعة. والله الامر اصبح مهزلة داخلين عتبة الاربعينات ومازال نجوزو الاختبار الكتابي من اجل ماذا من اجل منصب عمل، اليس الامر مضحك اللي راهم في عمري دارو كاريار في العمل وقريب يخرجو تقاعد ونحن ما نزال نبحث كيف يمكننا الحصول على منصب عمل.

ولكن ما عساني اقول الا كلمة حق وكلمة لو يدرك المعنين اصحاب السلطة معناها ما نامو حتى يقومو بعملهم كما يحب الله او يتركو المسؤولية للذين يقدرون تسير البلاد وتقديم الحقوق لذويها, والله الكلمة ونقولها:
حسبي الله ونعم الــــــــــــوكيل
حسبي الله ونعم الوكيــــــــــــل
حسبي الله ونعم الــــــــــــوكيل


تحيات شجرة الزيتون انتهت صلاحيتها ولم تعطي ثمارها بعد

غير معرف يقول...

اصلا حتى الالامتحان الكتابي ليس له مصداقية خدمنا في الادارات وتمرمدنا وجوزنا جوزنا المتحانات الكتابية للتوظيف وشفنا شكون داو للخدمة وكيفاش اصحاب المعارف داو المناصب بدون جهد يذكر واخرين اصحاب الشكّارة داوها بعرجون تمر ولا صندوق البرتقال غيرو وغيرو. الله المستعان
اضمّ صوتي لصوة شجرة الزيتون واقول
حسبي الله ونعم الوكيل في كل من اخذ وامنح منصب عمل على اساس الحسوبية والرشوة

وكل من يساهم في افسد النظام ويساهم في استمرار النظام الفاسد

غير معرف يقول...

الفرنسي بطّال وساكت اسكتو انتم ثاني. اليس الجزائر تاعة للنظام الفرنسي وتشيد به واي برنامج من عندهم يطبق على فأران شباب واطفال وشعب الجزائر (اعتذر خاوتي ولكن هي الحقيقة). الا البطالة ففي فرنسا البطالة لها منحة اي كيما راني نقولكم البطّال الفرنسي عنده منحة بطالة وزيد عندو حق في السكن المجاني والجمعيات توزع عليهم المواد الغذائية يعني الشومور عندهم عايش كي الامير قاعد ويجيه الخير. علاش كل هذا لانه الفرنسي اذا بحث عن حقه في الحياة الكريمة ولم يصله يثور ويدير اكثر من الربيع العربي وحنا يا حصرتاه على شباب الجزائر يهضم حقه وهو ينتظر وينتظر ان يمنح حقّه ولكنّه يخاف ان يأخذه
خذه بالقوة فلم يبقى لك شيىء تخاف عليه ياخي الشاب لانه ليس لديك من الاصل
شيئ

غير معرف يقول...

راني نشوف التعليقات كلّها تدل على ان قلوبنا مملوءة من القهر والظلم الجاري واليومي.

لنرمي بهذه القنابل المملوءة بها قلوبنا الى بطن الشارع وستنفجر ثورة شبانية لم يرى مثلها العالم

لانّ الساكت على الحق شيطان اخرص

غير معرف يقول...


واش راه يحوس هذا الاخ

Mamoud ferhati يقول...

لم نفهم شيئا مرة :اختبارات كتابية ومرة اختبارات على أساس الشهادة
اختبارات على أساس الشهادة درت فيها الملفات
اختبارات أخذ فيها معدل الأربع سنوات
وأخيرا قرأنا في الجريدة بأن الإختبارات على أساس الشهادة ألغيت وبدأ العمل بالمسابقة على أساس الاختبارات الكتابية
هذا يضع التوظيف محل شك وريبة
لذا أقترح وضع قانون ثابت يراعى فيه الملف ويراعى فيه نتائج الإختبارات الكتابية

زهرة سعيدة يقول...

واش من قانون تحكي عليه الدولة التي يبقى الوزير فيها 20سنة ماشي دولة هادي تسمى احتكار وحاب المسابقات مايكونش فيها احتكار راهم يوظفوا في اولادهم عفوا احفاد اولادهم احتمال يرجعوا يوظفوا اباءهم لي خرجو تقاعد

غير معرف يقول...

هذا لي قالك جا يكحلها عماها والحديث قياس.

غير معرف يقول...

les conditions de candidature wech houma c 'est a dire l'age diplome etc etc....on veu plus de clareté s'il vous plait

إرسال تعليق

إضافة تعليق